Nafarroako Komiki Azokaren XII. edizioa dela eta, collageetan espezializatutako TSKT kolektiboak hainbat baliabide (antzinako komikiak, liburuak, egunkariak, argazkiak) erabili ditu hedabide hau omentzeko. Collage horiez gain, ekitaldira gonbidatutako artisten ekarpenekin osatzen da erakusketa.

Urriaren 1ean, amaiera gisa, autoedizio jardunaldi bat egingo da, eta, besteak beste, collage kolektibo handi bat egingo da, Nafarroako saloiaren aurreko edizioetan erabilitako materialak berrerabiliz.