Koiuntura-k SZnatokin aurkezten du artea, kantua eta poesia uztartzen dituen errezitaldi artibista: PALESTINA, Gizateriaren kausa. Kontzertu honek gaztelaniaz eta euskaraz sortutako abesti propioak biltzen ditu, gai sozial eta solidarioak jorratuz, Palestinako idazleen olerkiekin batera. Palestinan jartzen du arreta: okupatutako lurraldea eta basakeria inperialistaren laborategia, gizateria osoa zeharkatzen eta interpelatzen duen errealitatea.

KOIUNTURA+arte talde ARTibista gisa aurkezten da, non musikak, ardatz nagusi gisa, beste diziplina artistiko ezberdinekin (ikus-entzunezkoa, argazkigintza, pintura, poesia, antzerkia…) elkarreragin sortzailea eragiten duen. Haien kanten hitzek, batez ere, gai sozialak eta humanistak lantzen dituzte. Musika honek espazio emozional desberdinetan bidaiatzera gonbidatzen gaitu. Aukera bat da, parentesi bat presaren eta antsietatearen garai honetan, une batez gelditu, sentitu, entzun eta abesteko. KOIUNTURA+arte-ren musika “egile-kantaren” generoan kokatzen da. Ahotsak, gitarra eta txirula, arte konprometitu eta solidario baten zerbitzura.

Kontzertua apirilaren 10ean, ostirala, egingo da 20:30etatik aurrera, eta sarrera doakoa izango da lekua bete arte.