Bidaia bat proposatzen dizugu, maletarik gabe, presarik gabe eta helmugarik gabekoa. Geldialdi desberdinez osatutako ibilbidea, oso sinplea eta aldi berean apartekoa den zerbaiterako pentsatua: gelditzeko.

Lehen geldialdia: TURBULENCIAS, 75 minutuko komedia absurdo eta oso dibertigarria, Jean-Pierre Martínez-en Zona de turbulencias lanean oinarritua. Ardo bat eta pintxo batekin gozatuko duzu.

Turbulencias lanak kontrako bi pertsonaia kokatzen ditu Iruñea–Tokio hegaldian, harrapatuta eta kanpoarekiko komunikaziorik gabe. Emaitza antzezpen-duelu indartsua da, eta egoera zoroen segida, helburu bakar batekin: barre eginaraztea.

Upategi berri bat, ardo berri bat eta harekin batera, Geltoki Tabernak tokiko produktuekin sortutako beste bi elaborazio. 

Arteak eta gastronomiak bat egiten duten espazio bat, funtsezko zerbait gogorarazteko: gozatzea ere erresistentzia modu bat dela.

Apirilaren 30eko saiorako menua:

– Txerri-masail briochea, pico de gallo eta Ekia gaztarekin.
– Lodosako kardua foie saltsarekin eta sasoiko perretxikoekin.
– Baztango kiwi pavlova.

– Quaderna Via eta Aristu upategietako ardo ekologikoak.