Aldaketa sozialerako tresnak.
Gure ohituretan eta gure kontsumoan, Ekonomia Solidarioaren printzipioetatik gure ingurunea eraldatzeko eragina duten gako asko daude. Ezagutu aldaketa sozialerako tresna berriak eta zaharrak, eta jarri praktikan zure egunerokoan
Ezagutu itzazu, erabili zure egunerokoan, partekatu zure jendearekin.
Ezagutu | Erabili | Eraldatu
Tressnak Geltoki eta REAS Nafarroak antolatutako jarduera ziklo berri bat da, apiriletik azaroa bitartean luzatuko dena eta kontsumitzen dugun moduaren aldaketa sortzea bilatzen duena, alternatiba justuago, jasangarriago eta etikoagoak sustatuz.
Bere helburua argia da: herritarren kontsumo kritiko eta arduratsua hartzeko beharrezko tresnak eskaini, Ekonomia Sozial eta Solidarioak proposatzen dituen balore eta praktikekin bat etorriz.
Sexualitate libreak.
Ez gara ogiaz soilik bizi. Gure sexualitateak gure bizitzaren funtsezko zati bat dira. Horregatik, REAS Nafarroak eta Geltokik antolatutako TrESSnak ziklotik, gure sexuarekin lotura zabala duten gaietan egiten dugun kontsumoan ere eragin nahi dugu: jostailuak, sexu-osasuna, produktu terapeutikoak, pornoa edo hezkuntza-materialak. Hori guztia sexualitate oso bat eraikitzeko pentsatuta dago, gure gorputz eta desio desberdinekin. Beste aukera etiko batzuk ere badaude, jasangarritasunean edo bidezko merkataritzan oinarritzen direnak. Eta gure sexualitatea ez delako estankoa, diamikoa baizik. Gai hauetan sakondu nahi baduzu, ezin duzu galdu Tupper Sex Subersivok Desmontando a la Pili (Zaragoza) kooperatibako kideekin duen topaketa, ezta Edurne Errea Nuñoren Tailerra ere: “Gure erotikaren subiranotasunak”
Mugikortasun iraunkorra.
Bizitzeko mugitzen gara, baina gure mugitzeko era ere bizitzeko modua zehazten du. Eguneroko garraio-erabakiek hiria, ingurunea eta harremanak moldatzen dituzte. Abiadura eta kontsumo indibiduala lehenesten dituen eredu batean, kutsadura, isolamendua eta hiri-desberdintasuna handitu egiten dira. Baina badaude benetako alternatibak justizia handiagoko mugikortasunerako, TrESSnak bezalakoak: Geltokik eta REAS Nafarroak bultzatutako ekimena, ekonomia sozial eta solidariotik kontsumo kritiko eta kontzientea sustatzen duena.
Mugikortasuna zaintzatik, hurbiltasunetik eta iraunkortasunetik ere pentsatzen da: oinez ibili, pedalei eragin, partekatu, espazio publikoa berreskuratu. Mugitzea ere izan daiteke eguneroko erresistentzia-modu bat, bizigarriagoak diren lurraldeak eta komunitate sendoagoak eraikitzeko modu bat.
Tokiko turismo arduratsua.
Helmuga turistikoa gara, baina bidaiatzen dugun pertsonak ere bagara, eta une batez turista ere bihurtzen gara. Turismoaz hitz egitea gauza askori buruz hitz egitea da: mugikortasuna da, aisialdia da… eta natura eta hiriak eraldatzen dituen praktika bat da, intentsitatearen arabera biei etengabe eragiten diena. Osagai askok bereizten dituzte hainbat turismo mota, hala nola klasea eta praktikatzen duenaren helburua. Alde batetik, masifikazio turistikoaren ondorioak jasaten ditugu, baina batzuetan masa horren parte gara. Kontraesanak bizitzaren parte dira, bai, baina ziklo hau hautsi dezakegu?
Beste opor mota batzuetarako alternatiba errealak daude, gure egunerokotasunaren agertokia modu kritiko, kontziente eta eraldatzailean aldatzeko dugun premia modernoari erantzuteko, gertu egon arren ezezaguna zaigunera hurbiltzen gaituena.
“Turismo de masa, de nuestros barrios a sus aviones” topaketa galdu zenuen?
Hemen duzu topoketa osorik, erreportaje bat eta informazio dokumentu bat.
Topaketa (61 min.)
Erreportajea (4 min.)
Elikadura osasungarri eta iraunkorrerako baliabideak. (Gazteleraz)
Elikadura kontziente eta eraldatzailea.
Jaten duguna gara, baina baita mokadu bakoitzarekin sostengatzen duguna ere: gure elikadura erabakiek, egunean bost aldiz errepikatuta, ez dute soilik gure gorputzak elikatzen, baizik eta eragin zuzena dute lurraldean, landatzen, ekoizten, banatzen eta sukaldatzen dutenengan, eta gure elikadura posible egiten duen sistema osoan. Irabazia ongizate kolektiboaren gainetik lehenesten duen eredu globalizatuan, lurzorua agortzen da, pertsonak esplotatzen dira eta lurrarekin ditugun loturak lausotzen dira. Hala ere, badira elikadura kritiko, kontziente eta eraldatzaile baterako benetako alternatibak: produktu ekologiko eta bidezko merkataritzakoetatik hasi, zirkuitu laburretara, tokiko eta sasoiko merkatuetara, eta beste elikadura modu bat defendatzen duten komunitate proiektuetara arte. Elikatzea eguneroko erresistentzia modu bat eta sistema bidezkoago eta iraunkorrago bat eraikitzeko tresna izan daiteke
Mirua Microocoperativak emandako elikadura tailerretik erreskatatutako baliabide batzuk.
Hemen duzu elikadura kontzienteari eta eraldatzaileari buruzko bideo bat eta dokumentu bat.
Elikadura tailerra (4 min.)
Elikadura osasungarri eta iraunkorrerako baliabideak. (Gazteleraz)
Desgoogelizazioa eta teknologia berriak.
Datu minak gara. Egiten dugun eta egiten ez dugun guztia interesatzen zaio Big Dataren makroindustriari. Zerbait doan denean, segur aski produktua zu zarelako izango da. Mundu hiperteknologiko batean bizi gara, non kapitalismoak berriro engainatu gaituen askatasunez aukeratzeko eta erabakitzeko ilusioarekin, baina denok hilko gara modu berean: erosotasuna eta erraztasuna datuen babesari gailentzen zaizkio, segurtasunari.
Bestalde, azken urteetako deriba politiko globalaren ondorioz, erraldoi teknologikoak sionismoarekin, ustiapenarekin eta kapitalarekin argi eta garbi lerrokatutako eragile politiko bihurtu dira. Amazon, Twitter, Google, Meta… Nola ihes egiten diogu kapitalismo digitalari bizitza gehiegi konplikatu gabe?
“Sareak gureak dira” topaketa galdu zenuen?
Hemen duzu topaketa osoa eta protagonistekin elkarrizketa pare bat ikusteko aukera.
Topaketa osoa (60min.)
Elkarrizketa Marta G. Franco-rekin (3min.)
Elkarrizketa Karlos G. Liberal-ekin (3min.)