“Bidean” erakusketak Estatu Batuetara doazen pertsona migratzaile zentroamerikarren testigantzak biltzen ditu, eta errefuxiatutzat edo migratzailetzat hartzearen arteko alde nabarmenak erakusten ditu. Migrazio-bide hau indarkeria, arriskuarekiko esposizioa eta giza eskubideen urraketa direla eta nabarmentzen da. Datu estatistikoen arabera, lekualdatutako pertsona gehienak emakumeak, haurrak eta bakarrik dauden adingabeak dira; sexu-abusuak, pertsonen trafikoa eta bestelako arriskuak pairatzen dituztenak. 

Erakusketaren hasieran, Erdialdeko Amerikako gaur egungo testuinguru soziala eta historikoa azalduko da. Ondoren, droga-merkatuaren eta gazte-taldeen argazkiekin, eskualdea munduko indarkeriazkoena dela adierazten duten arrazoiak erakutsi nahi ditu, eta, hala, gai nagusiari heldu nahi dio: urtero, ehunka mila zentroamerikar dokumentaziorik gabe iristen saiatzen direla Estatu Batuetara. Ia 3 mila kilometroko ibilbide hori autobusez, oinez edo “La Bestia”-n egin daiteke, eta krimen antolatuaren taldeak, polizia ustelak eta segurtasun-horma bat aurkitu ditu Mexiko eta Estatu Batuen artean. 

Erakusketa hau pertsona migratzaileen, asilo-eskatzaileen eta errefuxiatuen Giza Eskubideen egoerari buruzko salaketa publikoa da.