-
BI
PRODUKTU
Edizio bakoitzean bi produktu berri aurkitu ahalko dira, hauen dohainak indartzeko konbinatuko ditugunak.
-
BI
EKOIZLE
Dastaketa zuzenduko dutenak ekoizleak berak izango dira. Nor hauek baino hobe heien produktuen inguruan aritzeko?
-
EKOLOGIKOA
ARTISAUA
Dastatuko ditugun produktuak hurbilekoak, artisauak eta ekologikoak -gehinetan- izango dira beti.
-
HILEAN
BEHIN
Apuntatu zure agendan: hileko hirugarren ostegunean Dastaketekin hitzordua izango duzu Geltokiren eskutik
DASTAKETA KONBINATUAK
ARTISAU GARAGARDOAK ETA OGI EKOLOGIKOAK
Urriak 09 osteguna | 19.00etan | 20€
Topaketa honek bi proiektu lokal ekarriko ditu, zapore eta konpromiso handikoak. Undianotik, Obrador de Undianok ogi biribilak eta ogi ekologikoak eskainiko ditu. Aizoaingo EHKoop kooperatiba garagardogileak, berriz, artisau garagardo sorta zabala aurkeztuko du. Bi ekimenek beren produktuak erakutsiko dituzte, dastaketan gidaritza eskainiko dute eta beraien lanaren xehetasun guztiak partekatuko dituzte.
ARDO EKOLOGIKOAK ETA ARTISAU GAZTAK
Irailak 11 osteguna | 19.00etan | 20€
Datorren ostegunean, irailak 11, Geltokiko dastaketa konbinatuak itzuliko dira, berriz ere ardo ekologikoak eta gazta artisauak konbinatuz. Zehazki, Ibon Ollo Irunberriko Aristu upategiko ekoizlea eta Izabako Erronkari Ekia JD gaztaren ekoizpenaz arduratzen diren gazteak izango ditugu gurekin. Haien proiektuak bertatik bertara ezagutuko ditugu, eta, jakina, Geltoki Tabernak haiekin egindako produktuak eta pintxoak probatuko ditugu.
ARDO EKOLOGIKOAK ETA ARTISAU GAZTAK
Ekainak 12 osteguna | 19.00etan | 20€
Udako geldialdiaren aurreko azken dastaketa. Ez galdu Bargotako Biurko upategiko ardo ekologikoak eta Figaroleko Granja el Moro gaztandegiko ahuntz gazta artisauak probatzeko aukera. Topaketan Birkuo eta Granja El moro proiektuak bertatik bertara ezagutzeko aukera izango dugu, ekoizleen testigantzaren bitartez, eta haien produktuetaz eta Geltoki Tabernako sukaldekoek prestatuko elaborazioez gozatuko dugu. On egin!
ARTISAU GARAGARDOAK ETA OGI EKOLOGIKOAK
Maiatzak 15 osteguna | 19.00etan | 20€
Garagardo artisauak eta ogi ekologikoak. Burlatatik Atala artisau garagardogileekin egoteko zortea izango dugu, haien artisau garagardo barietate eta tipologia handiarekin, eta Iruñetik Xabi Oroz izango dugu, La Panaceako artisau obradore ekologiko eta glutenik gabekoa, Azpilagaña auzoan dagoena eta Geltokira bere ogi, bizkotxo eta galleta gozoekin iritsiko dena. Euren produktuak aurkeztuko dituzte, dastaketa gidatuko dute eta euren proiektuei buruzko xehetasun guztiak kontatuko dizkigute.
ARDO EKOLOGIKOAK ETA ARTZAI GAZTAK
Apirilak 10 osteguna | 19.00etan | 20€
Oraingo honetan, dastaketa konbinatua zuzentzeko ardura duten ekoizleak Oibartik eta Arruazutik etorriko dira. Oibartik Imanol Ibero mahastizaina hartuko dugu, ardo ekologiko ugari ekoizten dituen gaztea da, eta Arruazutik Artitz Ganboaren eskutik Albiko artzai gaztak iritsiko dira. Konbinazio hutsezina, Geltoki Tabernako beste elaborazio gazi eta gozo batzuekin batera. Produktuak aurkezteko eta dastatzea gidatzeko, beti bezala, bi produktuen egileak egongo dira bertan.
TOKIKO LIKOREAK ETA GAILETA EKOLOGIKOAK
Martxoak 13 osteguna | 19.00etan | 20€
Dastaketa konbinatuen edizio berri honetan, dastaketa zuzentzeaz arduratzen diren ekoiztetxeak Atarrabia eta Baionatik etorriko dira. Atarrabiatik Natalia eta Felix etorriko zaizkigu, Ecoatarrabiako arduradunak, fruta eta barazkiekin egindako olo galleta ekologikoak eta beganoak ekoizten eta merkaturatzen dituen markarekin. Baionatik Egarriko lagunak etorriko zaizkigu, hurbileko likoreen ekoizle eta banatzaileak. Haien produktuak dastatuko ditugu eta haien istorioak eta bizi proiektuak ezagutuko ditugu ere.