Datorren asteartean, urriak 14, topaketa bat ekarriko dizuegu benetan galdezina dela: Tupper Sex Subersivo, Desmontando a la Pili taldeko kideekin. Agian ez da hori burura datorkigun lehen gauza kontsumo kritikoaz edo egiten dugun kontsumoaren inpaktu positibo baterako alternatibez hitz egiten dugunean, baina gure sexua, sexualitatea edo/eta gure nahieri buruz hitz egiten dugunean, produktu-merkatu izugarri bat dago, eta kasu gehienetan ez dute gizartea eraldatzeko inolako ikuspegirik. Aitzitik, gorputzak eta estereotipoak gauzatuz eraiki ohi da eremu hori, morboa hegemonia batetik ustiatuz, eta hegemonia horrek, gehienetan, oso hotz uzten gaitu. Desmontando a la Pili lanean adituak dira, eta 15 urte baino gehiagoko esperientzia dute beste leku oso desberdin batetik lan egiten. Jostailuak, sexu-osasuna, produktu terapeutikoak edo hezkuntza-materialak ikuspegi feminista eta ekologista batetik. Izan ere, gure plazera geurea da, eta kontsumo kritikoa ere egin nahi dugu gure bizitzako esparru intimoetatik.

Desmontando a la Pili Zaragozako sexu-osasuneko kooperatiba bat da. Hainbat diziplinatako sexologo-talde batek osatzen du, eta ibilbide profesional luzea eta askotarikoa du. 2010ean jaio zen, sexologiatik, feminismotik, aniztasunetik eta ekonomia solidariotik arreta integrala eskaintzeko sexu-osasun eta -hezkuntzan.

Doako topaketa bat da, gaztelaniaz izango dena eta aurrez izena ematea beharrezkoa ez duena. Anima zaitez parte hartzera!