-
GUNE
INFORMATIBOA
Jardueraren helburuetako bat arropa sortzen den baldintzei buruzko informazioa ematea da.
-
ATXIKIMENDU
BILKETA
Bisitarien eskura jartzen da salaketa kanpainei atxikitzeko aukera.
-
TAILER
TEMATIKOAK
Geltokirekin lankidetzan, ehungintza ardatz duten tailerrak antolatzen dira hilero.
-
HILEKO
HITZORDUA
Arropa Garbia Kanpainaren infogunea hileko laugarren ostegunetan egiten da, 17:00etan.
JARDUERAK ETA TAILERRAK
"BIKE FRIDAY" AKTIBISMO TAILERRA
Kontsumoaren aurkako aktibismo tailerra
Azaroak 18 asteartea | 17.00etan | Doan
Nekatuta zaude Black Friday-ko publizitatearekin? Ez baduzu jokoaren arauak onartu nahi eta kontsumo kontzienteago eta iraunkorrago bat eraikitzen interesatua bazara, hau da zure tailerra. Ez esan bai inposatu nahi diguten kontsumismo-ereduari, ezta horrek pertsonei eta planetari eragiten dien kalteari ere. Setem Nafarroak dinamizatuko duen tailer honetan aktibista-kit-a prestatuko dugu, eta Masa Kritikoarekin batera datorren ostiral honetan, hilak 28, kalera aterako gara ehungintza-sektoreko lan-baldintzak salatzera. Etorri eta prestatu ekintzarako behar duzun guztiarekin eta ssaidazu ez Black Friday-ri!
EHUN COLLAGE-A
Sormen tailerra birziklatutako ehunekin
Irailak 18 osteguna | 17.00etan | 3€
“Collage Textil” tailerra helduentzat zuzenduta dago eta sormena eta jasangarritasuna esploratzea proposatzen du arte testilaren bidez. Parte-hartzaileek zaborrezko oihalez konposizio artistiko abstraktuak sortzen ikasiko dute, collage teknika desberdinetan oinarrituta eta ikuspegi garaikide batera egokituta. Gainera, tailerrean parte hartzeak aukera emango die beren estilo propioa eta irudimena garatzeko. Tailer honek birziklapena sustatzen du adierazpen artistikoaren tresna gisa. Nagusiki 16 urtetik gorakoentzako da, pertsona bakoitzak 3€ ordaindu beharko ditu, eta parte hartzeko beharrezkoa da aurrez izena ematea beheko botoiaren bidez.
SWAP PARTY
Arropa trukatzeko festa
Irailak 18 osteguna | 17.00etan | Doan
Arropa elkartrukatzeko jaia, Geltoki Ehungintza Foroak antolatua. Iruñerriko Manko- munitatearekin lankidetzan antolatutako lehen edizioa da, Truke Fest izenarekin, Iruñeko arropa trukatzeko ekitaldien zirkuitu berria. Ekitaldiaren funtzionamendua sinplea da, pertsona bakoitzak gehienez 5 jantzi eman ditzake egoera onean, eta tiketak eskuratuko ditu beste jantzi batzuekin trukatzeko. Armairua berritzeko eta oraindik egoera ezin hobean dauden jantziei bizitza berria emateko modu jasangarria. 18:00etan moda berrerabiliaren desfilea egingo da, udazkeneko bilduma, eta guneak Arropa Garbiaren Kanpainaren stand informatiboa hartuko du.
HONDAKIN-MATERIALAREKIN EHUNDU
Material berrerabiliekin ehungailuak sortzeko tailerra
Ekainak 26 osteguna | 17.00etan | Doan
Arropa Garbiaren Kanpainaren baitan, ekainean tailer berezi bat eskainiko dugu Alazne Juanizekin, bertako ehungintzako artisauarekin. Material berrerabiliekin egindako ehungailuak sortuko ditugu, eta arropa zaharra eta hondakin-materialak erabiliz, koloretako tapiz txikiak egingo ditugu. Amaieran, pieza hauek josten ikasiko dugu.
Tailerra doakoa da, 90 minutukoa (gutxi gorabehera), eta 16 urtetik gorakoentzat zuzendua. Parte hartzeko, aurrez izena ematea beharrezkoa da, izen-emate inprimakia betez.
RE-CREA SENTIDOS
Kamiseta bat artelan bihurtzeko sormen ekintza
Maiatzak 29 osteguna | 18.00etan | Doan
SETEM Nafarroak, Geltokiko Ehungintza Foroko kide gisa, esperimentatzeko espazio bat proposatzen dizue Alondra Murielen eskutik, egunerokoa sinboliko bihurtzeko. Jantzi batetik abiatuko gara: kamiseta batetik eta adierazpen oihal bihurtuko dugu. Parte hartzeko, pertsona bakoitzak kamiseta zahar bat ekarri behar du (lehentasun zurikoa), arropa gehiegi kontsumitzeak eragiten diona margotu eta irudikatzeko, eta hitzik gabe adierazteko, trazu, sinbolo eta koloreekin soilik, jantzia arte bihurtzeko, eta koadro gisa jartzeko, erakusketa kolektibo iragankor batean. Ez dago emaitza zuzenik. Espresio hutsa. Sormen ekintza bat, itxiera kolektibo batekin. Gazteei eta helduei zuzendutako tailerra.
SWAP PARTY
Arropa trukatzeko festa
Apirilak 24 osteguna | 17.00etan | Doan
Swap Party – Arropa trukatzeko festaren edizio berria. Geltokiko Ehungintza Foroak antolatua. Besteak beste, SETEM – Arropa Garbiaren Kanpaina, Madre Coraje, Emauseko Trapuketariak eta GAS gazte taldeko boluntarioak daude bertan. Funtzionamendua sinplea da, pertsona bakoitzak gehienez egoera onean dagoen 5 jantzi eman ditzake, eta tiketak eskuratuko ditu haien truke beste jantzi batzuekin trukatzeko. Armairua berritzeko eta oraindik egoera ezin hobean dauden jantziei bizitza berria emateko modu jasangarria. 18:00etan bigarren eskuko arroparen desfilea egingo da Madre Coreje-ren eskutik.